6 Metoda të Fuqishme për me Luftu atë Lodhjen e Mesditës

Mirë, paramenoje këtë:

Është ora 1-2 e masditës edhe t’ka kap ajo kokëdhembja e mungesës së kafeinës.

A mos po t’kujton kjo diçka? Goditja e atij murit të pasditës, ajo plogështia e mesditës, është diçka që të gjithë ne kemi kalu (sidomos na “zogjtë e hershëm” hehhe).

Apo ndoshta ti je vazhdimisht i lodhun, pavarësisht sa orë gjumë i ke ba, edhe je ulun aty tu e kry kryt ose tu i fërku sytë duke u mundu sado pak me u kthjellë, edhe duke e pyt’ vetën se çka le**in o tu ndodhë.

Janë shumë arsye se pse mund të ndodhë kjo lodhje e tepërt, qoftë nëse ndodhë vetëm në mesditë ose gjatë gjithë kohës.

Pse bjen energjia jem në mesditë?

Arsyeja më e qartë është stili i jetës.

Po çka nëse e ki ni stil t’mirë t’jetës? Si puna jem. Unë ushtroj rregullisht 4 herë në javë, jam aktiv gjatë ditës – 10.000 hapa në ditë, ushqehem sa më mirë që mundem, mundohem t’i bëj së paku 7 orë gjumë çdo natë dhe prapë e përjetoj këtë lodhjen e mesditës.

Kjo ka t’bëjë ma shumë me gjenetikën e trupit tënd. Gjenetikisht, e kam shtypjen e ulët të gjakut e gjithashtu puna në zyre (apo ulur) siç është kjo që jom duke e ba tash, nuk është diçka që m’përshtatet ma së shumti.

Jam person i terrenit dhe i lëvizjes. Në ecjet e mija malore, as nuk m’bjen n’mend për kafe e as me u “kotë” sepse jam gjithmonë në lëvizje, kur jam në lëvizje, gjaku është vazhdimisht duke qarkullu në sistem.

Kështu që, pse me tu dashtë energjia kur e kalon shumicën e kohës ulun, kur nuk je duke ba najsen fizike?

Kjo është një ndër arsyet e mungesës së energjisë gjatë ditës.

Arsyet e tjera janë të qarta. Duke mos fjetë mjaftueshëm, duke mos ushtru, ose duke e pasë një dietë e cila është e ulët në vlera ushqyese. Të gjitha këto kontribuojnë në mungesën e energjisë gjatë mesditës.

Gjithashtu, trupi yt e ka edhe ni sen të “programum” në veti, që quhet ritmi cirkadian (ora biologjike), e cila e përcakton se kur ndihesh vigjilent apo i lodhun gjatë një periudhe 24 orëshe.

Ashtu sikurse kjo orë biologjike t’bon me u ndi i lodhun kur vjen nata, po ashtu mundet me t’ba me u ndi i përgjumshëm në pasdite, e sidomos në mes orës 1 dhe 4 pasdite.

Shumica e njerëzve i humbin 2-3 orë çdo ditë shkaku i plogështisë së pasditës, por nuk ka pse të jetë kështu. Parameno me i rifitu prapë 14+ orë ma shumë në javë me plot energji.

Pavarësisht, a jeni një tip me shtypje të ulët të gjakut apo me shtypje të lartë të gjakut, a punoni ulur apo në këmbë, ti mundesh:

• Rritë produktivitetin
• Me i thellu lidhjet me njerzit e afërm
• Me mbrri formën ma të mirë trupore

Më poshtë i ke 6 vegla të fuqishme se qysh me e mposhtë atë plogështinë e mesditës

 

1. Ndiqe rregullin 80% -sh të Japonisë

“Ha deri sa je i mbushun vetëm 80%”

Ngrënja e tepërt bën që trupi me e fokusu energjinë kah tretja (duke shkaktu lodhje).

Nuk kemi kohë për një “koma të ushqimit”. Kështu që, në drekë:

• Boji prioritet ushqimet me proteina me të larta dhe me më pak karbohidrate
• Ushqehu ngadalë për me e “matë” ngopjen
• Ndalo së ngrëni hala pa u ngopë mirë.

Shënim:

2 vegla të cilat i kom mësu me kalimin e kohës janë: ngrënia e vetëdijshme dhe përcjellja e kalorive.

Largoji të gjitha shpërqëndrimet. Ushqehu ngadalë dhe Kkur je duke ngranë diçka kushtoji vëmendje të plotë ushqimit të cilin je duke e përtypë. Kështu e kupton ma lehtë shkallën e ngopjes edhe krijoje diciplinën për me u ndalë së ngrani.

Nëse je si unë edhe ki qef me i përcjellë kaloritë dhe makrot atëherë në shujtën e mesditës, vendos ma shumë proteina dhe ma pak karbohidrate.

2. Qëndro i hidratum

Truri yt është 73% ujë. Dehidrimi dëmton aftësinë për me marr vendime dhe shkakton rënie të enrgjisë. Kështu që, jepja trurit tënd ujin të cilin e meriton:

• Pij dikun 30ml ujë për kg të peshës trupore
• Mbaje një shishë me ujë kudo që shkon

Hidratohu, mendo qartë, mbaje energjinë lart.

Shënim:

Gjithmonë e mbaj me veti një ibrik 2 litërsh me ujë. Sigurohem që ta përfundoj tërë ibrikun deri sa të përfundon dita. Kur e ki ni pamje vizuale të asaj se sa shumë ujë je duke pirë, e bënë ma të thjeshtë pirjen a më shumë ujë.

3. Përdore tavolinën në këmbë

Këtë nuk e praktikoj as unë, meqenëse jam goxha aktiv gjatë ditës.

Paraardhësit tanë kanë gjujt’ mamutha në gjueti. Ndërsa tash ne qëndrojmë ulur për 8 orë rresht, çdo ditë. Mandej, kohën tjetër e kalojmë në veturë duke vozitur madje edhe duke shikuar Netflix për 2 – 3 orë të tjera.

Njerëzit nuk janë ndërtu për këtë.

Kur jemi duke qëndru në këmbë, ne jemi bërë për të qëndruar vigjilent.

87% e atyre të cilët e përdorin tavolinën duke qëndruar në këmbë raportojnë 87% rritje të energjisë.

Tani edhe në treg po ka shumë tavolina lëvizëse të cilat ngriten lart varësisht gjatësisë tuaj.

Bleje një tavolinë lëvizëse, cakto takime duke ecur, lëvize trupin çdo ditë.

Shënim:

Për çdo 50 min punë ulur, syno t’i kalosh 10 min të tjerë në këmbë për t’i mënjanuar efektet negative të uljes së tejzgjatur.

4. Optimizoje ambientin e punës

Aktivizoji 5 shqisat:

• Shoqëroje pasditen me muzikë (unë preferoj vetëm muzikë pa këngë p.sh. Hans Zimmer)
• Fshehi shpërqëndrimet (telefonin)
• Përdore një shpërndarës arome (pepermint dhe limon nxitin fokusin)
• Mbaje një temperaturë të freskët të dhomës për të qëndruar vigjilent (20-22⁰C)
• Hidratohu dhe mbaj me vete snacks të shëndetshëm

Shënim:

Ambienti yt i punës është ajo dora e padukshme e cila ndikon në shëndetin tonë. Rregulloje këtë në mënyrën e duhur dhe kjo do ta bëjë kryerjen e gjanave të shëndetshme thjeshtë dhe të lehtë.

5. Kohëmatësi Pomdoro

Rivendose fokusin tënd pas drekës me një kohëmatës Pomodoro.

Tani llaptopat modern e kanë një lloj kohëmatësi të integrum. Në të e vendosë kohën për 25 min on (punë) dhe 5 min off (pushim) . Kjo metodë njihet si teknika Pomodoro. Mund ta gjesh edhe në Chrome si app apo zgjatim i Chrome-it.

25 min fokus i pastër është i mbeshtetur edhe nga studime shkencore. Është goxha sfidues mendërisht por e arritshme.

Shënim:

Siç e përmenda më sipër, në llaptopin tim e kam të instaluar një kohëmatës digjital i cili i mban të regjistruar të gjitha seancat e punës time të thellë pa shpërqëndrime. Kjo ka qenë një vegël mjaft e mirë për të më mbajtur në rrjedhën e koncentrimit.

6. Dremitja e fuqishme (nëse punon nga shtëpia)

Ndash beso ndash jo, Ajnshtajni, Margaret Thatcher, Da Vinçi.

Të gjithë dremitës të famshëm.

Një dremitje e fuqishme në mesditë të siguron energjinë e dy ditëve në një.

Dremitja jo-efektive është:

• Kohëzgjatja: Dremitja > 30 min të vendosë në gjumë të thellë e cila thellon gjumin dhe nxitë përgjumjen.
• Koha gjatë ditës: Dremitja pas orës 3 pasdite pengon gjumin e natës (gjithmonë bëj prioritet së paku 7 orë gjumë çdo natë).

Gjeje mesin tënd sa i përket kohës dhe kohëzgjatjes së dremitjes.

Shënim:

Meqenëse zgjohem herët në mëngjes (filloj punën në 6 me klientët e mëngjesit) shpesh e ndjej nevojën për një dremitje të mesditës. Kjo ma jep një goxha shtytje energjike për ushtrimet e mija dhe klientët e pasditës.

Përmbledhje e Mposhtjes së Lodhjes së Pasditës:

• Ndiqe rregullin 80% të ushqyeshmërisë
• Rri i hidratuar
• Përdor një tavolinë lëvizëse
• Aktivizo 5 shqisat
• Përdor një kohëmatës Pomodoro
• Bëj një dremitje të fuqishme 20 minutësh

Mbroje atë energjinë tande! Bëhu efiçient!